02.08.2023 года вучні Дзяржаўнай установы адукацыі "Опальская сярэдняя школа" здзейснілі велаэкскурсію ў аграсядзібу "Куфрынка" в. Какорыца. У час экскурсіі гаспадыня сядзібы Людміла Недашкоўская пазнаёміла вучняў з сялянскім бытам пачатку ХХ стагоддзя.
        У в.Какорыца вучні сустрэліся з археолагам, кандыдатам гістарычных навук, вядучым супрацоўнікам Інстытута гісторыі Нацыянальнай акадэміі навук Беларусі Мікалаем Мікалаевічам Крывальцэвічам. Археалагічныя раскопкі ў в.Какорыца М.М.Крывальцэвіч праводзіць з 2019 года. За гэты час знойдзены крамянёвыя прылады працы, наканечнікі стрэл, косці як жывёл, так і людзей. Экскурсія вучням вельмі спадабалася.